koī fursat se mujh ko dekhtā aur

maiñ apne kaam meñ mashġhūl hotā

koi fursat se mujh ko dekhta aur

main apne kaam mein mashghul hota

maiñ rizq-e-mohabbat huuñ so baTtā huuñ barābar

jitnā bhī kisī kā huuñ maiñ utnā huuñ tumhārā

main rizq-e-mohabbat hun so baTta hun barabar

jitna bhi kisi ka hun main utna hun tumhaara

mujh ko iflās ke rūThe hue māthe kī qasam

baḳht meñ likkhī ga.ī ne'mat-e-avval tum ho

mujh ko iflas ke ruThe hue mathe ki qasam

baKHt mein likkhi gai ne'mat-e-awwal tum ho

tum to ye batā detī ho itnī huuñ tumhārī

maiñ sochtā rahtā huuñ ki kitnā huuñ tumhārā

tum to ye bata deti ho itni hun tumhaari

main sochta rahta hun ki kitna hun tumhaara

ye amīrī bhī hai ġharībī bhī

us ke office meñ job karte haiñ

ye amiri bhi hai gharibi bhi

us ke office mein job karte hain