tire pīchhe musalsal bhāgne se

mirī raftār achchhī ho ga.ī hai

tere pichhe musalsal bhagne se

meri raftar achchhi ho gai hai

ye amīrī bhī hai ġharībī bhī

us ke office meñ job karte haiñ

ye amiri bhi hai gharibi bhi

us ke office mein job karte hain

tum to ye batā detī ho itnī huuñ tumhārī

maiñ sochtā rahtā huuñ ki kitnā huuñ tumhārā

tum to ye bata deti ho itni hun tumhaari

main sochta rahta hun ki kitna hun tumhaara

maiñ rizq-e-mohabbat huuñ so baTtā huuñ barābar

jitnā bhī kisī kā huuñ maiñ utnā huuñ tumhārā

main rizq-e-mohabbat hun so baTta hun barabar

jitna bhi kisi ka hun main utna hun tumhaara

koī fursat se mujh ko dekhtā aur

maiñ apne kaam meñ mashġhūl hotā

koi fursat se mujh ko dekhta aur

main apne kaam mein mashghul hota

mujh ko iflās ke rūThe hue māthe kī qasam

baḳht meñ likkhī ga.ī ne'mat-e-avval tum ho

mujh ko iflas ke ruThe hue mathe ki qasam

baKHt mein likkhi gai ne'mat-e-awwal tum ho

vaqt pahchān karātā hai khare khoTe kī

kaam paḌ jaa.e to logoñ kā pata chaltā hai

waqt pahchan karaata hai khare khoTe ki

kaam paD jae to logon ka pata chalta hai

vo bhī tere haiñ muntaḳhab-karda

jo tirā intiḳhāb karte haiñ

wo bhi tere hain muntaKHab-karda

jo tera intiKHab karte hain