احمد نعیم اصل نام نعیم اختر 1989 میں مالیگاؤں، مہاراشٹر کے ایک محنت کش طبقے میں پیدا ہونے والے شاعر اور ادیب ہیں۔ محدود تعلیمی پس منظر کے باوجود انہوں نے مطالعے اور فکری جستجو کے ذریعے اپنی شناخت قائم کی۔ احمد نعیم پیشے کے اعتبار سے پاورلوم لیبر ہیں، مگر ادب سے گہری وابستگی رکھتے ہیں۔ وجودی فکر اور جدید بیانیہ ان کی تحریروں کا خاصہ ہے۔ وہ سوشل میڈیا پر اپنے خیالات بے باکی سے پیش کرتے ہیں۔ بلراج مینرا، میلان کنڈیرا، خالد جاوید اور ارون دھتی رائے سے متاثر ہیں۔ ان کی تخلیقات مختلف زبانوں میں ترجمہ بھی ہو چکی ہیں۔