سخن آباد میں سودائیوں کی دھوم سہی

میرؔ جی شعر کے فن میں مرے استاد رہو

کسی پرند کی چیخوں نے سنگ باری کی

سکوت شام کا شیشہ بکھر گیا مجھ میں

ہر ایک سمت تری یاد کا دھندلکا ہے

ترے خیال کا سورج اتر گیا مجھ میں

بیٹھا ہوا ہوں لگ کے دریچہ سے محو یاس

یہ شام آج میرے برابر اداس ہے

یہ کون تیرے سوا کر سکا اداس مجھے

ترے خیال نے چھیڑی تھی گفتگو کس کی

میں خود کو دیکھتا ہوں اور بھی حقارت سے

جب اپنا مرتبہ تسلیم کرنے لگتا ہوں

سب اپنی ذات میں اک انجمن کے مجرم ہیں

کسی وجود میں کچھ فرد جیسا ہے ہی نہیں

میں تیرے ہدیۂ فرقت پہ کیسے نازاں ہوں

مری جبیں پہ ترا زخم تک حسین نہیں