ab terā khel khel rahā huuñ maiñ apne saath

ḳhud ko pukārtā huuñ aur aatā nahīñ huuñ maiñ

ab tera khel khel raha hun main apne sath

KHud ko pukarta hun aur aata nahin hun main

maiñ kisī aur hī aalam kā makīñ huuñ pyāre

mere jañgal kī tarah ghar bhī hai sunsān mirā

main kisi aur hi aalam ka makin hun pyare

mere jangal ki tarah ghar bhi hai sunsan mera

rah jā.egī ye saarī kahānī yahīñ dharī

ik roz jab maiñ apne fasāne meñ jā.ūñgā

rah jaegi ye sari kahani yahin dhari

ek roz jab main apne fasane mein jaunga

hai musībat meñ giraftār musībat merī

jo bhī mushkil hai vo mere liye āsānī hai

hai musibat mein giraftar musibat meri

jo bhi mushkil hai wo mere liye aasani hai

vo aur hoñge jo kār-e-havas pe zinda haiñ

maiñ us kī dhuup se saaya badal ke aayā huuñ

wo aur honge jo kar-e-hawas pe zinda hain

main us ki dhup se saya badal ke aaya hun

tire ġhurūr kī ismat-darī pe nādim huuñ

tire lahū se bhī dāman hai dāġhdār mirā

tere ghurur ki ismat-dari pe nadim hun

tere lahu se bhi daman hai daghdar mera

ujālā hai jo ye kaun-o-makāñ meñ

hamārī ḳhaak se laayā gayā hai

ujala hai jo ye kaun-o-makan mein

hamari KHak se laya gaya hai

aisā ek maqām ho jis meñ dil jaisī vīrānī ho

yādoñ jaisī tez havā ho dard se gahrā paanī ho

aisa ek maqam ho jis mein dil jaisi virani ho

yaadon jaisi tez hawa ho dard se gahra pani ho

jis ke baġhair jī nahīñ sakte the jā chukā

par dil se dard aañkh se aañsū kahāñ gayā

jis ke baghair ji nahin sakte the ja chuka

par dil se dard aankh se aansu kahan gaya

ab tujhe merā naam yaad nahīñ

jab ki terā patā rahā huuñ maiñ

ab tujhe mera nam yaad nahin

jab ki tera pata raha hun main