jab tishnagī baḌhī to masīhā na thā koī

jab pyaas bujh ga.ī to samundar milā mujhe

jab tishnagi baDhi to masiha na tha koi

jab pyas bujh gai to samundar mila mujhe

kabhī ḳhayāl kī sūrat kabhī sabā kī tarah

vo kaun hai jo mire saath saath chaltā hai

kabhi KHayal ki surat kabhi saba ki tarah

wo kaun hai jo mere sath sath chalta hai

mujhe hāsil kamāl-e-guftugū hai

ye maiñ huuñ yā mire lahje meñ tū hai

mujhe hasil kamal-e-guftugu hai

ye main hun ya mere lahje mein tu hai

ravāñ-davāñ hai zindagī charāġh ke baġhair bhī

hai mere ghar meñ raushnī charāġh ke baġhair bhī

rawan-dawan hai zindagi charagh ke baghair bhi

hai mere ghar mein raushni charagh ke baghair bhi

yahī ik mashġhala hai zindagī kā

ta.āqub kar rahā huuñ raushnī kā

yahi ek mashghala hai zindagi ka

taaqub kar raha hun raushni ka