noImage

Akhtar Ziai

1933 | London, United Kingdom

koī ilāj-e-ġham-e-zindagī batā vaa.iz

sune hue jo fasāne haiñ phir sunā na mujhe

koi ilaj-e-gham-e-zindagi bata waiz

sune hue jo fasane hain phir suna na mujhe

aas Duubī to dil huā raushan

bujh gayā dil to dil ke daaġh jale

aas Dubi to dil hua raushan

bujh gaya dil to dil ke dagh jale

daf.atan āñdhiyoñ ne ruḳh badlā

nā-gahāñ aarzū ke baaġh jale

dafatan aandhiyon ne ruKH badla

na-gahan aarzu ke bagh jale

bhulā chuke haiñ zamīn o zamāñ ke sab qisse

suḳhan-tarāz haiñ lekin ḳhalā meñ rahte haiñ

bhula chuke hain zamin o zaman ke sab qisse

suKHan-taraaz hain lekin KHala mein rahte hain