fareb-e-māh-o-anjum se nikal jaa.eñ to achchhā hai

zarā sūraj ne karvaT lī ye taare Duub jā.eñge

fareb-e-mah-o-anjum se nikal jaen to achchha hai

zara suraj ne karwaT li ye tare Dub jaenge

maiñ apne vaqt meñ apnī ridā meñ rahtā huuñ

aur apne ḳhvāb kī āb-o-havā meñ rahtā huuñ

main apne waqt mein apni rida mein rahta hun

aur apne KHwab ki aab-o-hawa mein rahta hun

ai shā.er! terā dard baḌā ai shā.er! terī soch baḌī

ai shā.er! tere siine meñ is jaisā laakh bahe dariyā

ai shaer! tera dard baDa ai shaer! teri soch baDi

ai shaer! tere sine mein is jaisa lakh bahe dariya

kabhī sar pe chaḌhe kabhī sar se guzre kabhī paañv aan gire dariyā

kabhī mujhe bahā kar le jaa.e kabhī mujh meñ aan bahe dariyā

kabhi sar pe chaDhe kabhi sar se guzre kabhi panw aan gire dariya

kabhi mujhe baha kar le jae kabhi mujh mein aan bahe dariya

zarā haTe to vo mehvar se TuuT kar hī rahe

havā ne nochā unheñ yuuñ ki bas bikhar hī rahe

zara haTe to wo mehwar se TuT kar hi rahe

hawa ne nocha unhen yun ki bas bikhar hi rahe

usī peḌ ke nīche dafn bhī honā hogā

jis kī jaḌ par maiñ ne apnā naam likhā hai

usi peD ke niche dafn bhi hona hoga

jis ki jaD par main ne apna nam likha hai

apnā aap nahīñ hai sab kuchh apne aap se niklo

badbūeñ phailā detā hai paanī kā Thahrāo

apna aap nahin hai sab kuchh apne aap se niklo

badbuen phaila deta hai pani ka Thahrao

maiñ bharī saḌkoñ pe bhī be-chāp chalne lag gayā

ghar meñ so.e log mere zehn par yuuñ chhā ga.e

main bhari saDkon pe bhi be-chap chalne lag gaya

ghar mein soe log mere zehn par yun chha gae

ik sadā kī sūrat ham is havā meñ zinda haiñ

ham jo raushnī hote ham pe bhī jhapaTtī raat

ek sada ki surat hum is hawa mein zinda hain

hum jo raushni hote hum pe bhi jhapaTti raat

maiñ kho.e jaatā huuñ tanhā.iyoñ kī vus.at meñ

dar-e-ḳhayāl dar-e-lā-makāñ hai yā kuchh aur

main khoe jata hun tanhaiyon ki wusat mein

dar-e-KHayal dar-e-la-makan hai ya kuchh aur