ġhamoñ ko bech rahā huuñ maiñ is liye shāyad

kahā thā baap ne paisa bahut zarūrī hai

ghamon ko bech raha hun main is liye shayad

kaha tha bap ne paisa bahut zaruri hai

ḳhush-nasībī hai tumhārī sar pe hai jo maañ kā haath

ham yatīmoñ ko pata hai ye du'ā kyā chiiz hai

KHush-nasibi hai tumhaari sar pe hai jo man ka hath

hum yatimon ko pata hai ye du'a kya chiz hai

kuchh der to Dare tirī jādūgarī se ham

phir dekhne lage tujhe sanjīdgī se ham

kuchh der to Dare teri jadugari se hum

phir dekhne lage tujhe sanjidgi se hum

sab yaar sochte the rahegā vahī samāñ

ik maiñ hī bas bachā huuñ koī sau pachās meñ

sab yar sochte the rahega wahi saman

ek main hi bas bacha hun koi sau pachas mein

shab-e-ġham kī yuuñ bhī maiñ kartā huuñ 'izzat

ye shab 'umr meñ mujh se kaafī baḌī hai

shab-e-gham ki yun bhi main karta hun 'izzat

ye shab 'umr mein mujh se kafi baDi hai