الجھتی جاتی ہیں گرہیں ادھورے لفظوں کی

ہم اپنی باتوں کے سارے اگر مگر کھولیں

اک منظر میں اک دھندلے سے عکس میں چھپ کے رو لیں

ہم کس خواب میں آنکھیں موندیں کس میں آنکھیں کھولیں

آپ کہیں تو تین زمانے ایک ہی لہر میں بہہ نکلیں

آپ کہیں تو ساری باتوں میں ایسی آسانی ہے

تم جو چاہو تو رک بھی سکتا ہے

ورنہ کس سے رکا ہے آدھا دن

میری حیرت مری وحشت کا پتہ پوچھتی ہے

دیکھیے کون کسے پہلے رسائی دے گا

بہت سے لفظ دستک دے رہے تھے

سکوت شب میں رستہ کھل رہا تھا

جانے کس خواب کی حیرت نے جگائے رکھا

پھر مری حسرت ناکام نے دیکھا اس کو

ریت ہے سورج ہے وسعت ہے تنہائی

لیکن ناں اس دل کی خام خیالی جائے