Sher of Anam Zami
gul-faroshoñ ke bachche garmī meñ
haa.e afsos bhūke sote haiñ
gul-faroshon ke bachche garmi mein
hae afsos bhuke sote hain
kyā ḳhabar thī ki muskurāne meñ
itnā hoñToñ ko khīñchnā hogā
kya KHabar thi ki muskurane mein
itna honTon ko khinchna hoga
makāñ-mālik hī tai kartā hai qīmat ghar kī jān-e-jāñ
hamāre dil meñ rahnā hai to itnā soch kar rahnā
makan-malik hi tai karta hai qimat ghar ki jaan-e-jaan
hamare dil mein rahna hai to itna soch kar rahna
haath ko zaḳhm lagā phuul kī ḳhvāhish ke sabab
us kā kāñToñ pe na ilzām lagā.e koī
hath ko zaKHm laga phul ki KHwahish ke sabab
us ka kanTon pe na ilzam lagae koi
is aziyyat meñ guzar jaatā hai har din merā
ab vo mahtāb lab-e-bām nahīñ aa.egā
is aziyyat mein guzar jata hai har din mera
ab wo mahtab lab-e-baam nahin aaega
vo kisī tarh ta'alluq ko bachā letā hai
jab bichhaḌ jaane ke imkān nazar aate haiñ
wo kisi tarh ta'alluq ko bacha leta hai
jab bichhaD jaane ke imkan nazar aate hain
-
Tag : Relationship
rahte haiñ apne aap se bhī duur duur sab
tanhā hamāre ghar meñ haiñ tanhā.iyāñ ka.ī
rahte hain apne aap se bhi dur dur sab
tanha hamare ghar mein hain tanhaiyan kai
ham ne to tumheñ is kī kahānī thī sunānī
aur tum ho ki tasvīr ke rangoñ meñ paḌe ho
hum ne to tumhein is ki kahani thi sunani
aur tum ho ki taswir ke rangon mein paDe ho
merī sāñseñ bhī Thahar jaa.eñ qadam kyā haiñ huzūr
aap ik baar sadā to hameñ de kar dekheñ
meri sansen bhi Thahar jaen qadam kya hain huzur
aap ek bar sada to hamein de kar dekhen
vo jaun kī ġhazleñ bhī sunātā thā mujhe par
maiñ us kī udāsī ko samajhtī hī nahīñ thī
wo jaun ki ghazlen bhi sunata tha mujhe par
main us ki udasi ko samajhti hi nahin thi
ham-safar mere mire paas dubāra aa jā
āj-kal rāste sunsān nazar aate haiñ
ham-safar mere mere pas dubara aa ja
aaj-kal raste sunsan nazar aate hain
