tujh ko ḳhabar nahīñ hai magar ik tire baġhair

ye dil-pasand shahr bhī ḳhālī lagā mujhe

tujh ko KHabar nahin hai magar ek tere baghair

ye dil-pasand shahr bhi KHali laga mujhe

maiñ aise dar kā gadā huuñ jahāñ pe motī kyā

hazār baar mujhe sañg āb-dār mile

main aise dar ka gada hun jahan pe moti kya

hazar bar mujhe sang aab-dar mile

ye bādshāh nahīñ hai faqīr hai sūraj

hamesha raat kī jholī se din nikāltā hai

ye baadshah nahin hai faqir hai suraj

hamesha raat ki jholi se din nikalta hai

ghar-bār chhoḌ kar vo faqīroñ se jā mile

chāhat ne bādshāhoñ ko mahkūm kar diyā

ghar-bar chhoD kar wo faqiron se ja mile

chahat ne baadshahon ko mahkum kar diya

mash.hūr bhī haiñ badnām bhī haiñ ḳhushiyoñ ke na.e paiġhām bhī haiñ

kuchh ġham ke baḌe in.aam bhī haiñ paḌhiye to kahānī kaam kī hai

mashhur bhi hain badnam bhi hain KHushiyon ke nae paigham bhi hain

kuchh gham ke baDe inam bhi hain paDhiye to kahani kaam ki hai

jo saare din kī thakan oḌh kar maiñ sotā huuñ

to saarī raat mirā ghar safar meñ rahtā hai

jo sare din ki thakan oDh kar main sota hun

to sari raat mera ghar safar mein rahta hai

shohrat kī raushnī ho ki nafrat kī tīrgī

kyā kyā use diyā hai ḳhudā ne patā karo

shohrat ki raushni ho ki nafrat ki tirgi

kya kya use diya hai KHuda ne pata karo

maiñ ne sūraj kī tarah ḳhud ko banāyā jis din

dekhne ā.eñge ye maġhrib-o-mashriq mujh ko

main ne suraj ki tarah KHud ko banaya jis din

dekhne aaenge ye maghrib-o-mashriq mujh ko

ġhair to aañsū pochheñge

dhokā deñge apne log

ghair to aansu pochhenge

dhoka denge apne log

jis baat kā matlab ḳhushbū hai har gaañv ke kachche raste par

us baat kā matlab badlegā jab pakkī saḌak aa jā.egī

jis baat ka matlab KHushbu hai har ganw ke kachche raste par

us baat ka matlab badlega jab pakki saDak aa jaegi

zarā mahfūz rastoñ se guzarnā

tumhārī shahr meñ shohrat bahut hai

zara mahfuz raston se guzarna

tumhaari shahr mein shohrat bahut hai

mujhe sone kī qīmat mat batāo

maiñ miTTī huuñ mirī azmat bahut hai

mujhe sone ki qimat mat batao

main miTTi hun meri azmat bahut hai

tujhe to kitnī bahāreñ salām bhejeñgī

abhī ye phuul sā chehra zarā sambhāl ke rakh

tujhe to kitni bahaaren salam bhejengi

abhi ye phul sa chehra zara sambhaal ke rakh

jo dostoñ kī mohabbat se jī nahīñ bhartā

to āstīn meñ do-chār saañp paal ke rakh

jo doston ki mohabbat se ji nahin bharta

to aastin mein do-chaar sanp pal ke rakh

me.arāj-e-aqīdat hai ki ta.avīz kī sūrat

baazū pe koī ḳhāk-e-vatan bāñdhe hue hai

mearaj-e-aqidat hai ki tawiz ki surat

bazu pe koi KHak-e-watan bandhe hue hai

ai āsmān harf ko phir e.atibār de

varna haqīqatoñ ko kahānī likheñge log

ai aasman harf ko phir eatibar de

warna haqiqaton ko kahani likhenge log

kitāb-e-ishq ke jo mo'atabar risāle haiñ

unhīñ meñ husn ke kuchh mustanad havāle haiñ

kitab-e-ishq ke jo mo'atabar risale hain

unhin mein husn ke kuchh mustanad hawale hain