banāne baiThtā huuñ to terī tasvīr bantī hai

koī panchhī koī titlī koī dariyā banāne par

banane baiThta hun to teri taswir banti hai

koi panchhi koi titli koi dariya banane par

zamāne ne bahut koshish kī tum se duur karne kī

maiñ rishta toḌtā kab huuñ jo aa jā.ūñ nibhāne par

zamane ne bahut koshish ki tum se dur karne ki

main rishta toDta kab hun jo aa jaun nibhane par

aañkh tak jazbāt mere aa ga.e

muTThiyāñ phir bhī dabā.e rah gayā

aankh tak jazbaat mere aa gae

muTThiyan phir bhi dabae rah gaya

apnā thā jo vo bhī ab anjān huā

ham ko chehra paḌhne kā nuqsān huā

apna tha jo wo bhi ab anjaan hua

hum ko chehra paDhne ka nuqsan hua