batāyā hai kisī ke ishq ne ham ko

ki duniyā ḳhūbsūrat bhī ho saktī hai

bataya hai kisi ke ishq ne hum ko

ki duniya KHubsurat bhi ho sakti hai

vo ġhusse meñ sīdhī baat nahīñ kartā

tūfānoñ meñ bārish tirchhī hotī hai

wo ghusse mein sidhi baat nahin karta

tufanon mein barish tirchhi hoti hai

baañT Daale aise ham ne dil ke TukḌe kaaT kar

janm din pe bāñTte haiñ cake jaise kaaT kar

banT Dale aise hum ne dil ke TukDe kaT kar

janm din pe banTte hain cake jaise kaT kar

jaan terī bātoñ ko rakhtā thā maiñ sar āñkhoñ pe

aur tum se phone tak merā uThāyā na gayā

jaan teri baaton ko rakhta tha main sar aankhon pe

aur tum se phone tak mera uThaya na gaya

is liye aane nahīñ detā kisī ko dil meñ

TuuTe ghar meñ jo bhī aatā hai chalā jaatā hai

is liye aane nahin deta kisi ko dil mein

TuTe ghar mein jo bhi aata hai chala jata hai

jaane kaise sab miTā dete haiñ dil se yādoñ ko

ham se photo wallpaper se haTāyā na gayā

jaane kaise sab miTa dete hain dil se yaadon ko

hum se photo wallpaper se haTaya na gaya

ek din yuuñ hī lagā mujh ko gināne aib mere

vo bhalā kis muñh se kahtā chhoḌ jaanā chāhtā hai

ek din yun hi laga mujh ko ginane aib mere

wo bhala kis munh se kahta chhoD jaana chahta hai

rok bhī to ham nahīñ sakte the jaane vaale ko

baad us ke dil kisī se bhī lagāyā na gayā

rok bhi to hum nahin sakte the jaane wale ko

baad us ke dil kisi se bhi lagaya na gaya

ik peḌ kī tarah maiñ kināre khaḌā rahā

ik rail kī tarah vo guzartā chalā gayā

ek peD ki tarah main kinare khaDa raha

ek rail ki tarah wo guzarta chala gaya

kar ke lākhoñ koshisheñ gar jo bachā bhī luuñ maiñ rishta

to nahīñ phir man hamārā pahle ke jaisā milegā

kar ke lakhon koshishen gar jo bacha bhi lun main rishta

to nahin phir man hamara pahle ke jaisa milega

koī le le fauran us ke haath se ġhubbāre saare

ek bachcha jaane kab se muskurānā chāhtā hai

koi le le fauran us ke hath se ghubbare sare

ek bachcha jaane kab se muskurana chahta hai

maiñ kisī ko duuñ jagah thoḌī sī jo dil meñ agar

vo mire dil ko dukhātā hai chalā jaatā hai

main kisi ko dun jagah thoDi si jo dil mein agar

wo mere dil ko dukhata hai chala jata hai

zindagī se aise kaaTā scene us ne ishq kā

dekhtā hai koī jaise film gaane kaaT kar

zindagi se aise kaTa scene us ne ishq ka

dekhta hai koi jaise film gane kaT kar

mere āġhosh meñ aatā hai chalā jaatā hai

roz shab ḳhvāb dikhātā hai chalā jaatā hai

mere aaghosh mein aata hai chala jata hai

roz shab KHwab dikhata hai chala jata hai

ishq jis meñ nā bichhaḌne kā zarā bhī Dar rahe

khelnā hai khel par sāñpoñ ke ḳhāne kaaT kar

ishq jis mein na bichhaDne ka zara bhi Dar rahe

khelna hai khel par sanpon ke KHane kaT kar