یہ تو ہو سکتا ہے کہ دونوں کی منزل ایک ہو

پھر بھی اس کے ہم سفر ہونے کی فرمائش نہ کر

غریب بھوک کی ٹھوکر سے خون خون ہوئے

کسی امیر کو اب تو لہو کی باس آئے

یہ دور محبت کا لہو چاٹ رہا ہے

انسان کا انسان گلا کاٹ رہا ہے

دل سے نکلی ہوئی ہر آہ کی تاثیر میں آ

مانگ لے رب سے مجھے اور مری تقدیر میں آ

جو کر رہے تھے زمانے سے گمرہی کا سفر

انہیں کے نام کیا حق نے بندگی کا سفر

مری قسمت کی کشتی بحر غم میں ڈوب سکتی تھی

تری تقدیر سے شاید مری تقدیر ابھری ہے

رہ حیات میں شاید ہی وہ مقام آئے

کہ نغمہ ہائے جنوں پر سکوت طاری ہو

ہجر کہتے ہیں کسے یہ مجھے معلوم نہیں

کیا کروں گا میں تجھے اے شب فرقت لے کر