یہ اودھ ہے کہ جہاں شام کبھی ختم نہیں

وہ بنارس ہے جہاں روز سحر ہوتی ہے

اب ترے ہجر میں یوں عمر بسر ہوتی ہے

شام ہوتی ہے تو رو رو کے سحر ہوتی ہے

سکون دل نہ میسر ہوا زمانے میں

نہ یاد رکھنے میں تم کو نہ بھول جانے میں

بے خیالی میں بھی پھر ان کا خیال آتا ہے

وہی تصویر مرے پیش نظر ہوتی ہے

بھولنے والے تجھے یاد کیا ہے برسوں

دل ویراں کو یوں آباد کیا ہے برسوں

ساتھ جو دے نہ سکا راہ وفا میں اپنا

بے ارادہ بھی اسے یاد کیا ہے برسوں

وہ اضطراب مسلسل کا لطف کیا جانے

مصیبتوں سے جو گھبرا گیا زمانے میں

بجلی گری تھی کب یہ کسی کو خبر نہیں

اب تک چمن میں آگ لگی ہے بہار میں

کچھ عندلیب کا خون جگر بھی ہے شامل

گلوں کی بزم کی رنگینیاں بڑھانے میں