ارشد لطیف کی شاعری

ارشد لطیف کے اشعار

عجب کشش ہے ترے ہونے یا نہ ہونے میں

گماں نے مجھ کو حقیقت سے باندھ رکھا ہے

کوئی تو معجزہ ایسا بھی ہو اپنی محبت میں

ترے انکار سے اقرار کی صورت نکل آئے

خلا کا مسئلہ ہی مختلف ہے

سمندر اس قدر گہرا نہیں ہے

سبھی تعبیر اس کی لکھ رہے ہیں

کسی نے بھی اسے دیکھا نہیں ہے

کس کے سوال پر یہ دل روتا ہے ساری ساری رات

کون حبیب ہے مرا تیرے خیال کے سوا

پھیلتی جا رہی ہے یہ دنیا

جشن آوارگی منانے میں

جب میں اس آدمی سے دور ہوا

غم مری زندگی سے دور ہوا