yahāñ tak silsila pahuñchā hai us kī kam-bayānī kā

vo nau bachchoñ kī maañ hai phir bhī dā'vā hai javānī kā

yahan tak silsila pahuncha hai us ki kam-bayani ka

wo nau bachchon ki man hai phir bhi da'wa hai jawani ka

laḌā.ī meñ na kaam aatī haiñ taqrīreñ na takrāreñ

ki us kī ek aahaT se laraz jaatī haiñ dīvāreñ

laDai mein na kaam aati hain taqriren na takraren

ki us ki ek aahaT se laraz jati hain diwaren

muqaddar ne bhalā ham se mazāq āḳhir kiyā kyā hai

ḳhudāyā jis ḳhatā kī ye sazā hai vo ḳhatā kyā hai

muqaddar ne bhala hum se mazaq aaKHir kiya kya hai

KHudaya jis KHata ki ye saza hai wo KHata kya hai

buā kah kar pukāre jo use sau-sau sunātī hai

vo is pīrāna-sālī meñ bhī baajī kahlavātī hai

bua kah kar pukare jo use sau-sau sunati hai

wo is pirana-sali mein bhi baji kahlawati hai