Ashhad Bilal Ibn-e-chaman's Photo'

Ashhad Bilal Ibn-e-chaman

1980 | UAE

Ghazal 9

Sher 8

aao to mere sahn meñ ho jaa.e raushnī

muddat guzar ga.ī hai charāġhāñ kiye hue

aao to mere sahn mein ho jae raushni

muddat guzar gai hai charaghan kiye hue

aaj bhī naqsh haiñ dil par tirī aahaT ke nishāñ

ham ne us raah se auroñ ko guzarne na diyā

aaj bhi naqsh hain dil par teri aahaT ke nishan

hum ne us rah se auron ko guzarne na diya

ik lafz yaad thā mujhe tark-e-vafā magar

bhūlā huā huuñ Thokareñ khāne ke ba.ad bhī

ek lafz yaad tha mujhe tark-e-wafa magar

bhula hua hun Thokaren khane ke baad bhi