مجھے ملال نہیں تیری بے وفائی کا

میں اپنے آپ سے آنکھیں نہیں ملا سکتا

کون ہوں میں مجھے نہیں معلوم

کون ہو تم پتا لگا رہا ہوں

ہجر کی جنگ کا سپاہی ہوں

لڑ رہا ہوں ترے فراق سے میں

اداس لوگوں کے ماتھوں کو چومتے رہنا

انہی کہ وجہ سے برعکس ہو گئے تم لوگ

مرا سب کچھ ہو تم لیکن یہاں پر

خدا سب کچھ نہیں دیتا کسی کو

میں تمہارے بغیر ایسا ہوں

جس طرح دین ہے نبی کے بغیر

زمین اپنی طرف کھینچتی ہے اور جانفؔ

فلک نے اپنا بچھایا ہے جال میرے لئے

بہشت کیا ہے کسی کے لئے نہیں معلوم

مرے لئے تری آغوش ہی ہے خلد بریں

ہمیں بننا پڑے گا ایلین ورنہ مرے پیارے

تجھے بھی کھائے گا آدم مجھے بھی کھائے گا آدم

تو خدا سے بھی دور ہے لڑکی

اور دل کائیں کائیں کر رہا ہے

بہت ہی کم کو ملی ہیں محبتیں جانفؔ

زیادہ تر کو تو محبوب نے دعا دی ہے

میں روز کہیں کھو کے لگاتا ہوں صدائیں

میں روز مجھے ڈھونڈ کے لاتا ہوں کہیں سے

ایک ہی ذہن ہے ہمارے پاس

اور ہیں اس پہ کائناتیں سوار

جو تجسس ہے جانفا تیرا

کوئی شے ہے نہیں بڑی اس سے

یہ کیسے لوگ ترے آس پاس گھومتے ہیں

انہیں تو دیکھ کے میرا دماغ گھومتا ہے

مری تنہائی مجھ سے کہتی ہے

بھاڑ میں جائے بھیڑ آؤ ادھر

مار ڈالے گا تجسس جانفؔ

یا اداسی تمہیں لے ڈوبے گی