ضرورت ڈھل گئی رشتے میں ورنہ

یہاں کوئی کسی کا اپنا کب ہے

آج بھی پریمؔ کے اور کرشنؔ کے افسانے ہیں

آج بھی وقت کی جمہوری زباں ہے اردو

صبر کی حد بھی تو کچھ ہوتی ہے

کتنا پلکوں پہ سنبھالوں پانی

ادب ہی زندگی میں جب نہ آیا

ادب میں اتنی محنت کس لئے ہے

کوئی بھی خوش نہیں ہے اس خبر سے

کہ دنیا جلد لوٹے گی سفر سے

خواب ہی خواب کی تعبیر ہوا تو جانا

زندگی کیوں کسی آنکھوں کے اثر میں آئی

کسی کے جسم و جاں چھلنی کسی کے بال و پر ٹوٹے

جلی شاخوں پہ یوں لٹکے کبوتر دیکھ آیا ہوں

سب خواب پرانے ہیں ہر چند فسانے ہیں

ہم روز بساتے ہیں آنکھوں میں نئی دنیا