بچھڑتے وقت انا درمیان تھی ورنہ

منانا دونوں نے اک دوسرے کو چاہا تھا

وہ غزل کی کتاب ہے پیارے

اس کو پڑھنا ثواب ہے پیارے

شام کے دھندلکوں میں ڈوبتا ہے یوں سورج

جیسے آرزو کوئی میرے دل میں مرتی ہے

گاؤں کے پرندے تم کو کیا پتا بدیسوں میں

رات ہم اکیلوں کی کس طرح گزرتی ہے

دور مجھ سے رہتے ہیں سارے غم زمانے کے

تیری یاد کی خوشبو دل میں جب ٹھہرتی ہے

تجھ سے مل کر بھی اداسی نہیں جاتی دل کی

تو نہیں اور کوئی میری کمی ہو جیسے

تری زلفوں کے سائے میں اگر جی لوں میں پل دو پل

نہ ہو پھر غم جو میرے نام صحرا لکھ دیا جائے

اشک پلکوں پے بچھڑ کر اپنی قیمت کھو گیا

یہ ستارہ قیمتی تھا جب تلک ٹوٹا نہ تھا

تری شوخ آنکھوں میں بارہا کئی خواب دیکھے ہیں پیار کے

ترا پیار میرا نصیب ہے کسی اور کو یہ وفا نہ دے

اک اس کی ذات سے جب میرا اعتبار اٹھا

تو پھر کسی پہ بھی آیا نہ اعتبار مجھے

غم کی بند مٹھی میں ریت سا مرا جیون

جب ذرا کسی مٹھی زندگی بکھرتی ہے

کسی نے بھیجا ہے خط پیار اور وفا لکھ کر

قلم سے کام دیا ہے مجھے خدا لکھ کر

اسے دیکھنے کی تھی آرزو مجھے اس کی تھی بڑی جستجو

مگر اس کے عارض ناز پہ مری ہر نگاہ پھسل گئی

کہیں بجھتی ہے دل کی پیاس اک دو گھونٹ سے انظرؔ

میں سورج ہوں مرے حصے میں دریا لکھ دیا جائے

میں تم سے ترک تعلق کی بات کیوں سوچوں

جدا نہ جسموں سے انظرؔ کبھی بھی سائے ہوئے