ajab ḳhulūs ajab sādgī se kartā hai

daraḳht nekī baḌī ḳhāmushī se kartā hai

ajab KHulus ajab sadgi se karta hai

daraKHt neki baDi KHamushi se karta hai

safar ho shaah kā yā qāfila faqīroñ kā

shajar mizāj samajhte haiñ rāhgīroñ kā

safar ho shah ka ya qafila faqiron ka

shajar mizaj samajhte hain rahgiron ka

kisī daraḳht se sīkho salīqa jiine kā

jo dhuup chhāñv se rishta banā.e rahtā hai

kisi daraKHt se sikho saliqa jine ka

jo dhup chhanw se rishta banae rahta hai

pattoñ ko chhoḌ detā hai aksar ḳhizāñ ke vaqt

ḳhud-ġharzī hī kuchh aisī yahāñ har shajar meñ hai

patton ko chhoD deta hai aksar KHizan ke waqt

KHud-gharzi hi kuchh aisi yahan har shajar mein hai

ye rahbar aaj bhī kitne purāne lagte haiñ

ki peḌ duur se rasta dikhāne lagte haiñ

ye rahbar aaj bhi kitne purane lagte hain

ki peD dur se rasta dikhane lagte hain

jab ġhazal 'mīr' kī paḌhtā hai paḌosī merā

ik namī sī mirī dīvār meñ aa jaatī hai

jab ghazal 'mir' ki paDhta hai paDosi mera

ek nami si meri diwar mein aa jati hai

ajnabī tum kabhī na pāoge

martaba jo ġhazal meñ 'mīr' kā hai

ajnabi tum kabhi na paoge

martaba jo ghazal mein 'mir' ka hai