Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Azhar Adeeb's Photo'

Azhar Adeeb

1949 | Ghotki, Pakistan

Poet,Prosaist

Poet,Prosaist

Sher of Azhar Adeeb

2.1K
Favorite

SORT BY

ham ne ghar salāmtī ke liye

ḳhud ko ghar se nikāl rakkhā hai

hum ne ghar ki salamti ke liye

KHud ko ghar se nikal rakkha hai

apnī marzī ke sabhī kirdār aazmā le

mire baġhair ab tirī kahānī nahīñ chalegī

tu apni marzi ke sabhi kirdar aazma le

mere baghair ab teri kahani nahin chalegi

nikal aayā huuñ aage us jagah se

jahāñ se lauT jaanā chāhiye thā

nikal aaya hun aage us jagah se

jahan se lauT jaana chahiye tha

zarā der tujhe aa.ina dikhāyā hai

zarā baat par itne ḳhafā nahīñ hote

zara si der tujhe aaina dikhaya hai

zara si baat par itne KHafa nahin hote

lahje aur āvāz meñ rakkhā jaatā hai

ab to zahr alfāz meñ rakkhā jaatā hai

lahje aur aawaz mein rakkha jata hai

ab to zahr alfaz mein rakkha jata hai

samajh meñ aa to saktī hai sabā guftugū bhī

magar is ke liye ma.asūm honā lāzmī hai

samajh mein aa to sakti hai saba ki guftugu bhi

magar is ke liye masum hona lazmi hai

hameñ roko nahīñ ham ne bahut se kaam karne haiñ

kisī gul meñ mahaknā hai kisī bādal meñ rahnā hai

hamein roko nahin hum ne bahut se kaam karne hain

kisi gul mein mahakna hai kisi baadal mein rahna hai

maiñ us naam le baiThā thā ik din

zamāne ko bahāna chāhiye thā

main us ka nam le baiTha tha ek din

zamane ko bahana chahiye tha

ye shaḳhs jo tujhe aadhā dikhā.ī detā hai

is aadhe shaḳhs ko apnā banā ke dekh kabhī

ye shaKHs jo tujhe aadha dikhai deta hai

is aadhe shaKHs ko apna bana ke dekh kabhi

ek lamhe ko sahī us ne mujhe dekhā to hai

aaj mausam guzishta roz se achchhā to hai

ek lamhe ko sahi us ne mujhe dekha to hai

aaj ka mausam guzishta roz se achchha to hai

havā ko zid ki uḌā.egī dhuul har sūrat

hameñ ye dhun hai ki ā.īna saaf karnā hai

hawa ko zid ki uDaegi dhul har surat

hamein ye dhun hai ki aaina saf karna hai

jab bhī chāhūñ terā chehrā soch sakūñ

bas itnī baat mire imkān meñ rakh

jab bhi chahun tera chehra soch sakun

bas itni si baat mere imkan mein rakh

ham un aas pe umreñ guzār dete haiñ

vo mo.ajize jo kabhī rūnumā nahīñ hote

hum un ki aas pe umren guzar dete hain

wo moajize jo kabhi runuma nahin hote

be-ḳhvābī kab chhup saktī hai kājal se bhī

jāgne vaalī aañkh meñ laalī rah jaatī hai

be-KHwabi kab chhup sakti hai kajal se bhi

jagne wali aankh mein lali rah jati hai

kisī zaat meñ zam ho gayā huuñ

maiñ apne aap meñ ġham ho gayā huuñ

kisi ki zat mein zam ho gaya hun

main apne aap mein gham ho gaya hun

sub.h kaisī hai vahāñ shaam rañgat kyā hai

ab tire shahr meñ hālāt sūrat kyā hai

subh kaisi hai wahan sham ki rangat kya hai

ab tere shahr mein haalat ki surat kya hai

usī ne sab se pahle haar maanī

vahī sab se dilāvar lag rahā thā

usi ne sab se pahle haar mani

wahi sab se dilawar lag raha tha

is liye maiñ ne muhāfiz nahīñ rakkhe apne

mire dushman mire is jism se bāhar kam haiñ

is liye main ne muhafiz nahin rakkhe apne

mere dushman mere is jism se bahar kam hain

der lagtī hai bahut lauT ke aate aate

aur vo itne meñ hameñ bhuul chukā hotā hai

der lagti hai bahut lauT ke aate aate

aur wo itne mein hamein bhul chuka hota hai

saare manzar meñ samāyā huā lagtā hai mujhe

koī is shahr meñ aayā huā lagtā hai mujhe

sare manzar mein samaya hua lagta hai mujhe

koi is shahr mein aaya hua lagta hai mujhe

logo ham to ek sūrat meñ hathiyār uThāte haiñ

jab dushman ho apne jaisā ḳhud-sar bhī aur ham-sar bhī

logo hum to ek hi surat mein hathiyar uThate hain

jab dushman ho apne jaisa KHud-sar bhi aur ham-sar bhi

ai shahr-e-sitam chhoḌ ke jaate hue logo

ab raah meñ koī bhī madīna nahīñ aatā

ai shahr-e-sitam chhoD ke jate hue logo

ab rah mein koi bhi madina nahin aata

maiñ jis lamhe ko zinda kar rahā huuñ muddatoñ se

vahī lamha mirā inkār karnā chāhtā hai

main jis lamhe ko zinda kar raha hun muddaton se

wahi lamha mera inkar karna chahta hai

jo zindagī maañg sajāte rahe sadā

qistoñ meñ baañT kar unheñ jiinā diyā gayā

jo zindagi ki mang sajate rahe sada

qiston mein banT kar unhen jina diya gaya

donoñ hāthoñ se chhupā rakkhā hai muñh

aa.ine ke vaar se Dartā huuñ maiñ

donon hathon se chhupa rakkha hai munh

aaine ke war se Darta hun main

kabhī us se duā khetiyāñ sairāb karnā

jo paanī aañkh ke andar kahīñ Thahrā huā hai

kabhi us se dua ki khetiyan sairab karna

jo pani aankh ke andar kahin Thahra hua hai

itnā bhī inhisār mire saa.e par na kar

kyā jaane kab ye mom dīvār gir paḌe

itna bhi inhisar mere sae par na kar

kya jaane kab ye mom ki diwar gir paDe

shab bhar aañkh meñ bhīgā thā

puure din meñ sūkhā ḳhvāb

shab bhar aankh mein bhiga tha

pure din mein sukha KHwab

aaj nikle yaad zambīl se

mor ke TuuTe hue do chaar par

aaj nikle yaad ki zambil se

mor ke TuTe hue do chaar par

hamāre naam taḳhtī bhī un pe lag na sakī

lahū meñ gūñdh ke miTTī jo ghar banā.e ga.e

hamare nam ki taKHti bhi un pe lag na saki

lahu mein gundh ke miTTi jo ghar banae gae

dasht-e-shab meñ patā nahīñ chal sakā

apnī āñkheñ ga.iiñ sitāre ga.e

dasht-e-shab mein pata hi nahin chal saka

apni aankhen gain ya sitare gae

use bām-e-pazīrā.ī pe kaise chhoḌ duuñ ab

yahī tanhā.ī to mere liye sīḌhī banī hai

use baam-e-pazirai pe kaise chhoD dun ab

yahi tanhai to mere liye siDhi bani hai

ġhazal us ke liye kahte haiñ lekin dar-haqīqat ham

ghane jañgal meñ kirnoñ ke liye rasta banāte haiñ

ghazal us ke liye kahte hain lekin dar-haqiqat hum

ghane jangal mein kirnon ke liye rasta banate hain

mere hare vajūd se pahchān us thī

be-chehra ho gayā hai vo jab se jhaḌā huuñ maiñ

mere hare wajud se pahchan us ki thi

be-chehra ho gaya hai wo jab se jhaDa hun main

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now