اتنی نہ انتشار کی حدت ہو روبرو

انساں غم حیات میں جلتا دکھائی دے

دیکھا نہیں جس نے مرے طوفاں کو سکوں میں

وہ شخص مری روح کے اندر نہیں اترا

مرے وجود کا محور چمکتا رہتا ہے

اسی سند سے مقدر چمکتا رہتا ہے

خدا کی رضا ہے نہ حاصل کسی کو

خدا کے لیے پر لڑائی بہت ہے

یہ جو بے حال سا منظر یہ جو بیمار سے ہم تم

سیاست کی نوازش ہے کسی سے کچھ نہیں بولیں

سجدے کا سبب جان کے شیریں ہے پریشاں

فرہاد نے کہہ ڈالا کے رب ڈھونڈ رہا ہوں

گمان کہتا ہے کے میں یقیں کا شاعر ہوں

یقین کہتا ہے کے میں گماں کا شاعر ہوں

جس خاک سے کہتے ہو وفا ہم نہیں کرتے

سوئے ہیں اسی خاک میں سلطان ہزاروں

بس رنج کی ہے داستاں عنوان ہزاروں

جینے کے لئے مر گئے انسان ہزاروں

اسی پہ صبر ہے مجھ کو ہر ایک دور یہاں

بہار آنے سے پہلے خزاں سے گزرا ہے

کوئی حیات زمانہ کو ہے عزیز بہت

کوئی حیات ہے کہ روز روز مرتی ہے

دوام پائے گا اک روز حق زمانے میں

یہ انتظار نہیں انتظار وحشت ہے

یہ تمنا ہے خدا عالم ہستی میں ترے

میں عیاں دیکھنا چاہوں تو نہاں تک دیکھوں

کہیں سراغ نہیں ہے کسی بھی قاتل کا

لہولہان مگر شہر کا نظارہ ہے

ملتی ہے خوشی سب کو جیسے ہی کہیں سے بھی

بھولی ہوئی بچپن کی تصویر نکلتی ہے