اظہر نواز 18 جون 1995 کو صوبہ اتر پردیش کے تاریخی شہر اعظم گڑھ میں پیدا ہوئے. آپ نے جامعہ ملیہ اسلامیہ سے انگریزی میں ایم اے کیا اور فی الحال علیگڑھ مسلم یونیورسٹی سے انگریزی ادب میں پی ایچ ڈی کررہے ہیں۔

جہاں تک ان کی شاعری کا تعلق ہے وہ بہت سنبھل کر شعر کہتے ہیں. ان کے اشعار کی زبان سادہ و سلیس ہے. رواں بحروں اور مانوس لفظیات کے حوالے سے انھوں نے جو شعری پیکر تراشے ہیں ان میں عصری حسیت بھی ہے اور جاذبیت بھی جنہیں پڑھ کر معنویت کے نئے در کھلتے ہیں. آپ کے پسندیدہ شعراء میں مرزا غالب، میر تقی میر، داغ دہلوی، عرفان صدیقی، شکیب جلالی، احمد فراز، فرحت احساس وغیرہ کے نام شامل ہیں . ریختہ سے شائع شدہ نسل نو کے منتخب کلام کے شعری مجموعے "قافلہ نوبہار" میں آپ کی نمائندہ غزلیات شائع ہو چکی ہیں۔