دلوں میں تلخیاں پھر بھی نظر میں مسکراہٹ ہو

بلا کے حبس میں بھی ہو ہوا ایسا بھی ہوتا ہے

آگہی نے دیئے ابہام کے دھوکے کیا کیا

شرح الفاظ جو لکھی تو اشارے لکھے

تجھ کو پائیں تجھے کھو بیٹھیں پھر

زندگی ایک تھی ڈر کتنے تھے

بادلوں کی آس اس کے ساتھ ہی رخصت ہوئی

شہر کو وہ آگ کی بے رحمیاں بھی دے گیا

میں کون ہوں کہ ہے سب کانچ کا وجود مرا

مرا لباس بھی میلا دکھائی دیتا ہے

لہو رلاتے ہیں اور پھر بھی یاد آتے ہیں

محبتوں کے پرانے نصاب سے کچھ ہیں

اس رات کے ماتھے پر ابھریں گے ستارے بھی

یہ خوف اندھیروں کا شاداب نہیں رہنا

نمو کے رب کبھی اس منصفی کی داد تو دے

شجر کوئی نہ لگایا ثمر سمیٹا ہے