ahl-e-zar ne dekh kar kam-zarfi-e-ahl-e-qalam

hirs-e-zar ke har tarāzū meñ suḳhan-var rakh diye

ahl-e-zar ne dekh kar kam-zarfi-e-ahl-e-qalam

hirs-e-zar ke har taraazu mein suKHan-war rakh diye

dard-e-hijrat ke satā.e hue logoñ ko kahīñ

sāya-e-dar bhī nazar aa.e to ghar lagtā hai

dard-e-hijrat ke satae hue logon ko kahin

saya-e-dar bhi nazar aae to ghar lagta hai

husūl-e-manzil-e-jāñ kā hunar nahīñ aayā

vo raushnī thī ki kuchh bhī nazar nahīñ aayā

husul-e-manzil-e-jaan ka hunar nahin aaya

wo raushni thi ki kuchh bhi nazar nahin aaya

koī shai dil ko bahlātī nahīñ hai

pareshānī kī rut jaatī nahīñ hai

koi shai dil ko bahlati nahin hai

pareshani ki rut jati nahin hai

vahī patthar lagā hai mere sar par

azal se jis ko sajde kar rahā huuñ

wahi patthar laga hai mere sar par

azal se jis ko sajde kar raha hun