har samt hai vīrānī sī vīrānī kā aalam

ab ghar sā nazar aane lagā hai mirā ghar bhī

har samt hai virani si virani ka aalam

ab ghar sa nazar aane laga hai mera ghar bhi

hotī rahī āñkhoñ se jo yuuñ ḳhuun kī bārish

dil ḳhatm na ho jaa.e jigar ḳhatm na ho jaa.e

hoti rahi aankhon se jo yun KHun ki barish

dil KHatm na ho jae jigar KHatm na ho jae

simTā tirā ḳhayāl to dil meñ samā gayā

phailā to is qadar ki samundar lagā mujhe

simTa tera KHayal to dil mein sama gaya

phaila to is qadar ki samundar laga mujhe

har nashtar-e-tafrīq ne marham kā kiyā kaam

toḌe ga.e lekin mire ahbāb na TuuTe

har nashtar-e-tafriq ne marham ka kiya kaam

toDe gae lekin mere ahbab na TuTe

phir gardish-e-daurāñ se ulajhnā nahīñ mushkil

ġhurbat meñ jo pindār-e-tab-o-tāb na TuuTe

phir gardish-e-dauran se ulajhna nahin mushkil

ghurbat mein jo pindar-e-tab-o-tab na TuTe

ghar meñ bhī nazar ā.eñge andāz-e-bayābāñ

jab tak mirī vahshat kā asar ḳhatm na ho jaa.e

ghar mein bhi nazar aaenge andaz-e-bayaban

jab tak meri wahshat ka asar KHatm na ho jae