un se chhīñke se koī chiiz utarvā.ī hai

kaam kā kaam hai añgḌā.ī kī añgḌā.ī hai

un se chhinke se koi chiz utarwai hai

kaam ka kaam hai angDai ki angDai hai

gayā bachpan shabāb aayā buḌhāpā aane vaalā hai

magar maiñ to abhī tak aap ko bachcha samajhtā huuñ

gaya bachpan shabab aaya buDhapa aane wala hai

magar main to abhi tak aap ko bachcha samajhta hun

sham.a kuchh phūkne ke vāste ghar par nahīñ jaatī

fidā ullū kā paTThā aa ke ḳhud parvāna hotā hai

shama kuchh phukne ke waste ghar par nahin jati

fida ullu ka paTTha aa ke KHud parwana hota hai

na pūchho tum ko aur dushman ko dil meñ kyā samajhtā huuñ

use ullū tumheñ ullū kā maiñ paTThā samajhtā huuñ

na puchho tum ko aur dushman ko dil mein kya samajhta hun

use ullu tumhein ullu ka main paTTha samajhta hun

paḌeñ juute hazāroñ sar pe lekin maiñ na niklūñgā

tere kūche ke ham-sar bāġh-e-rizvāñ ho nahīñ saktā

paDen jute hazaron sar pe lekin main na niklunga

tere kuche ke ham-sar bagh-e-rizwan ho nahin sakta

buum sāhab kā ajab rang nirālā dekhā

yaar yāroñ meñ hai aġhyār hai aġhyāroñ meñ

bum sahab ka ajab rang nirala dekha

yar yaron mein hai aghyar hai aghyaron mein

bas ab bārah baras ke ho ga.e ḳhatna karā Daalo

musalmānī na ho jis kī musalmāñ ho nahīñ saktā

bas ab barah baras ke ho gae KHatna kara Dalo

musalmani na ho jis ki musalman ho nahin sakta

le ke us shoḳh ko ārām se chhat par soyā

ġhair ko Daal diyā bāñdh ke shahtīr ke saath

le ke us shoKH ko aaram se chhat par soya

ghair ko Dal diya bandh ke shahtir ke sath