Chandrabhan Khayal's Photo'

Chandrabhan Khayal

1946 | Delhi, India

Well-known nazm poet

Well-known nazm poet

113
Favorite

SORT BY

insān duniyā meñ insāñ hai pareshāñ kyuuñ

machhlī to nahīñ hotī bechain kabhī jal meñ

insan ki duniya mein insan hai pareshan kyun

machhli to nahin hoti bechain kabhi jal mein

vaqt aur hālāt par kyā tabsira kiije ki jab

ek uljhan dūsrī uljhan ko suljhāne lage

waqt aur haalat par kya tabsira kije ki jab

ek uljhan dusri uljhan ko suljhane lage

sub.h aatī hai dabe paañv chalī jaatī hai

gher letā hai mujhe shaam Dhale sannāTā

subh aati hai dabe panw chali jati hai

gher leta hai mujhe sham Dhale sannaTa

miltā nahīñ ḳhud apne qadam nishāñ mujhe

kin marhaloñ meñ chhoḌ gayā kārvāñ mujhe

milta nahin KHud apne qadam ka nishan mujhe

kin marhalon mein chhoD gaya karwan mujhe

hamāre ghar ke āñgan meñ sitāre bujh ga.e lākhoñ

hamārī ḳhvāb gāhoñ meñ na chamkā sub.h sūraj

hamare ghar ke aangan mein sitare bujh gae lakhon

hamari KHwab gahon mein na chamka subh ka suraj

sochtā huuñ to aur baḌhtī hai

zindagī hai ki pyaas hai koī

sochta hun to aur baDhti hai

zindagi hai ki pyas hai koi

kyā usī naam hai ra.anā.ī-e-bazm-e-hayāt

tañg kamra sard bistar aur tanhā aadmī

kya usi ka nam hai ranai-e-bazm-e-hayat

tang kamra sard bistar aur tanha aadmi

vo jahāñ chāhe chalā jaa.e ye us iḳhtiyār

sochnā ye hai ki maiñ ḳhud ko kahāñ le jā.ūñgā

wo jahan chahe chala jae ye us ka iKHtiyar

sochna ye hai ki main KHud ko kahan le jaunga

koī daanā koī dīvāna milā

shahar meñ har shaḳhs begāna milā

koi dana koi diwana mila

shahar mein har shaKHs begana mila

apnī dīvāroñ se kuchh bāhar nikal

sirf ḳhālī ghar ke bām-o-dar na dekh

apni diwaron se kuchh bahar nikal

sirf KHali ghar ke baam-o-dar na dekh

paas se dekhā to jaanā kis qadar maġhmūm haiñ

an-ginat chehre ki jin ko shādmāñ samjhā thā maiñ

pas se dekha to jaana kis qadar maghmum hain

an-ginat chehre ki jin ko shadman samjha tha main

le gayā vo chhīn kar merī javānī

us pe bas yūñhī jhapaT kar rah gayā maiñ

le gaya wo chhin kar meri jawani

us pe bas yunhi jhapaT kar rah gaya main

kaun dahshat-gard hai aur kaun hai dahshat-zada

ye sab ik ib.hām-e-paiham ke sivā kuchh bhī nahīñ

kaun dahshat-gard hai aur kaun hai dahshat-zada

ye sab ek ibham-e-paiham ke siwa kuchh bhi nahin

log manzil taraf lapke haiñ lekin

bhiiḌ meñ ġhaflat bhī shāmil ho ga.ī hai

log manzil ki taraf lapke hain lekin

bhiD mein ghaflat bhi shamil ho gai hai

tum jise samjhe ho duniyā us ke āñchal ke tale

gesuoñ ke pech aur ḳham ke sivā kuchh bhī nahīñ

tum jise samjhe ho duniya us ke aanchal ke tale

gesuon ke pech aur KHam ke siwa kuchh bhi nahin

nazar meñ shoḳh shabīheñ liye hue hai sahar

abhī na koī idhar se dhuāñ dhuāñ guzre

nazar mein shoKH shabihen liye hue hai sahar

abhi na koi idhar se dhuan dhuan guzre

shahr meñ jurm-o-havādis is qadar haiñ āj-kal

ab to ghar meñ baiTh kar bhī log ghabrāne lage

shahr mein jurm-o-hawadis is qadar hain aaj-kal

ab to ghar mein baiTh kar bhi log ghabrane lage

terī parchhā.īñ simaTtī jā.egī

jaise jaise phailtā jā.egā

teri parchhain simaTti jaegi

jaise jaise phailta jaega tu

kar gayā sūraj sabhī ko be-libās

ab koī saaya koī paikar na dekh

kar gaya suraj sabhi ko be-libas

ab koi saya koi paikar na dekh