zarre zarre meñ mahak pyaar kī Daalī jaa.e

bū ta.assub kī har ik dil se nikālī jaa.e

zarre zarre mein mahak pyar ki Dali jae

bu tassub ki har ek dil se nikali jae

āḳhirī vaqt talak saath andheroñ ne diyā

raas aate nahīñ duniyā ke ujāle mujh ko

aaKHiri waqt talak sath andheron ne diya

ras aate nahin duniya ke ujale mujh ko

muskurā kar un kā milnā aur bichhaḌnā ruuTh kar

bas yahī do lafz ik din dāstāñ ho jā.eñge

muskura kar un ka milna aur bichhaDna ruTh kar

bas yahi do lafz ek din dastan ho jaenge

ho ke majbūr ye bachchoñ ko sabaq denā hai

ab qalam chhoḌ ke talvār uThā lī jaa.e

ho ke majbur ye bachchon ko sabaq dena hai

ab qalam chhoD ke talwar uTha li jae

tere firāq ne kī zindagī atā mujh ko

terā visāl jo miltā to mar gayā hotā

tere firaq ne ki zindagi ata mujh ko

tera visal jo milta to mar gaya hota

gar tarannum par hī 'dānish' munhasir hai shā.irī

phir to duniyā bhar ke shā.ir naġhma-ḳhvāñ ho jā.eñge

gar tarannum par hi 'danish' munhasir hai shairi

phir to duniya bhar ke shair naghma-KHwan ho jaenge

apne dushman ko bhī ḳhud baḌh ke lagā lo siine

baat bigḌī huī is tarah banā lī jaa.e

apne dushman ko bhi KHud baDh ke laga lo sine

baat bigDi hui is tarah bana li jae

rūdād-e-shab-e-ġham yuuñ Dartā huuñ sunāne se

mahfil meñ kahīñ un kī sūrat na utar jaa.e

rudad-e-shab-e-gham yun Darta hun sunane se

mahfil mein kahin un ki surat na utar jae