عبدالغفار صدیقی، تخلص دانشؔ نورپوری، اردو کے سنجیدہ نثر نگار اور صاحبِ طرز شاعر ہیں۔ وہ یکم جنوری 1969 کو موضع تیبڑی، ضلع بجنور (یوپی)  میں پیدا ہوئے۔ دینی و عصری تعلیم حاصل کرنے کے بعد اردو میں ایم اے کیا۔ مضمون نگاری ان کا بنیادی حوالہ ہے، تاہم شاعری میں بھی وہ منفرد لب و لہجہ رکھتے ہیں۔
ان کی نمایاں تصانیف میں نعتیہ مجموعہ ”نورِ حرا“ (2015)، شادی کے موقع پر تحریر کردہ کتابچہ ”دانش نامہ“ (2022)، اور غزلوں کا مجموعہ ”حسرتوں کی دنیا“ (2024) شامل ہیں۔
انہیں ادبی و علمی خدمات پر متعدد اعزازات سے نوازا گیا، جن میں ”حفیظ میرٹھی ایوارڈ“ (2016 و 2024)، ”بہار اردو اکیڈمی کا نعتیہ انعام“ (2016)، ”فاطمہ شیخ ایوارڈ“ (2021)، اور ”مظہرالدین شیرکوٹی صحافت ایوارڈ“ (2024) شامل ہیں۔
دانشؔ نورپوری درس و تدریس کے شعبے سے وابستہ رہے ہیں اور عبدالسلام درس گاہ اسلامی ہائرسیکنڈری اسکول، پاکبڑہ مرادآباد کے سابق پرنسپل رہ چکے ہیں۔
وہ جماعت اسلامی ہند، ادارۂ ادب اسلامی، آل انڈیا مجلس اتحاد المسلمین اور دیگر سماجی و تعلیمی اداروں سے بھی فعال طور پر وابستہ رہے ہیں۔
فی الحال راشدہ ایجوکیشنل اینڈ سوشل ٹرسٹ (REST)، نورپور کے چیئرمین کی حیثیت سے خدمات انجام دے رہے ہیں۔