sab ko batā diyā ki maiñ behad udaas huuñ

itnī sī baat ko bhī ḳhabar kar diyā gayā

sab ko bata diya ki main behad udas hun

itni si baat ko bhi KHabar kar diya gaya

sar paTak kar dekhnā hai ek baar

'ishq ko patthar kahā thā 'mīr' ne

sar paTak kar dekhna hai ek bar

'ishq ko patthar kaha tha 'mir' ne

ghar ke andar itne ghar haiñ is ko kaise toḌūñ maiñ

yaar kabūtar rahte haiñ is ghar ke raushan-dānoñ meñ

ghar ke andar itne ghar hain is ko kaise toDun main

yar kabutar rahte hain is ghar ke raushan-danon mein

tumheñ dekhtā huuñ so zinda huuñ maiñ

mujhe saañs aatī hai āñkhoñ se ab

tumhein dekhta hun so zinda hun main

mujhe sans aati hai aankhon se ab

us ke dil se nikle to ham ḳhud ke dil tak aa pahuñche

aanā jaanā hotā rahtā hai apnā vīrānoñ meñ

us ke dil se nikle to hum KHud ke dil tak aa pahunche

aana jaana hota rahta hai apna viranon mein