Dil Ayubi's Photo'

Dil Ayubi

1929 | Tonk, India

A well-known poet from Tonk, also remembered for his naats

A well-known poet from Tonk, also remembered for his naats

farishta hai to taqaddus tujhe mubārak ho

ham aadmī haiñ to aib-o-hunar bhī rakhte haiñ

farishta hai to taqaddus tujhe mubarak ho

hum aadmi hain to aib-o-hunar bhi rakhte hain

lamha lamha mujhe vīrān kiye detā hai

bas gayā mere tasavvur meñ ye chehra kis

lamha lamha mujhe viran kiye deta hai

bas gaya mere tasawwur mein ye chehra kis ka

is shahr meñ to kuchh nahīñ rusvā.ī ke sivā

ai 'dil' ye ishq le ke kidhar aa gayā tujhe

is shahr mein to kuchh nahin ruswai ke siwa

ai 'dil' ye ishq le ke kidhar aa gaya tujhe

na gird-o-pesh se is darja be-niyāz guzar

jo be-ḳhabar se haiñ sab ḳhabar bhī rakhte haiñ

na gird-o-pesh se is darja be-niyaz guzar

jo be-KHabar se hain sab ki KHabar bhi rakhte hain

ye dilchasp vaade ye rañgīñ dilāse

ajab sāzisheñ haiñ kahāñ aa gayā huuñ

ye dilchasp wade ye rangin dilase

ajab sazishen hain kahan aa gaya hun

kahāñ maiñ abhī tak nazar aa sakā huuñ

ḳhudā jaane kitnī tahoñ meñ chhupā huuñ

kahan main abhi tak nazar aa saka hun

KHuda jaane kitni tahon mein chhupa hun

ye rāh-e-ishq hai āḳhir koī mazāq nahīñ

sa.ūbatoñ se jo ghabrā ga.e hoñ ghar jaa.eñ

ye rah-e-ishq hai aaKHir koi mazaq nahin

saubaton se jo ghabra gae hon ghar jaen

phir marhala-e-ḳhvāb-e-bahārāñ se guzar

mausam hai suhānā to garebāñ se guzar

phir marhala-e-KHwab-e-bahaaran se guzar ja

mausam hai suhana to gareban se guzar ja