آغاز محبت سے انجام محبت تک

گزرا ہے جو کچھ ہم پر تم نے بھی سنا ہوگا

یہ بھیگی رات یہ ٹھنڈا سماں یہ کیف بہار

یہ کوئی وقت ہے پہلو سے اٹھ کے جانے کا

وقت رخصت تسلیاں دے کر

اور بھی تم نے بیقرار کیا

ہم کو بے چین کئے جاتے ہیں

ہائے کیا شے وہ لئے جاتے ہیں

آرزو لطف طلب عشق سراسر ناکام

مبتلا زندگی دل انہیں اوہام میں ہے

میں غرق ہو رہا تھا کہ طوفان عشق نے

اک موج بے قرار کو ساحل بنا دیا

شباب ڈھلتے ہی آئی پیری مآل پر اب نظر ہوئی ہے

بڑی ہی غفلت میں شب گزاری کہاں پہنچ کر سحر ہوئی ہے

مئے کوثر کا اثر چشم سیہ فام میں ہے

ساقیٔ مست عجب کیف ترے جام میں ہے

کیا جانے کس خیال سے چھوڑا پہ حال زار

مجھ پر بڑا کرم ہے مرے چارہ ساز کا

حسن خود بیں کو ہوا اور سوا ناز حجاب

شوق جب حد سے بڑھا چشم تماشائی کا

اثر عشق سے ہوں صورت شمع خاموش

یہ مرقع ہے مری حسرت گویائی کا