sochā hī nahīñ tum ne zarā baat se pahle

kyoñ shart rakhī tum ne mulāqāt se pahle

socha hi nahin tum ne zara baat se pahle

kyon shart rakhi tum ne mulaqat se pahle

'iram' ne us ko DhūñDā hai nashīlī sard rātoñ meñ

vo āñkhoñ se rahā ojhal december ke mahīne meñ

'iram' ne us ko DhunDa hai nashili sard raaton mein

wo aankhon se raha ojhal december ke mahine mein

haañ bichhaḌne kā irāda karnā thā so kar liyā

apne dil kā bojh aadhā karnā thā so kar liyā

han bichhaDne ka irada karna tha so kar liya

apne dil ka bojh aadha karna tha so kar liya

muntazir maiñ chāñd kī aur chāñd merā muntazir

ho nahīñ saktā akele meñ guzārā chāñd kā

muntazir main chand ki aur chand mera muntazir

ho nahin sakta akele mein guzara chand ka

mire alfāz meñ us kī halāvat ho ga.ī dāḳhil

mire lahje meñ shāmil ho ga.ī hai guftugū us kī

mere alfaz mein us ki halawat ho gai daKHil

mere lahje mein shamil ho gai hai guftugu us ki

maiñ apne qasr se tanhā parinde kī tarah niklī

tire dil ke liye apnī riyāsat chhoḌ aa.ī huuñ

main apne qasr se tanha parinde ki tarah nikli

tere dil ke liye apni riyasat chhoD aai hun

is baar to munsif se koī chuuk huī hai

kyoñ jiit kā elaan huā maat se pahle

is bar to munsif se koi chuk hui hai

kyon jit ka elan hua mat se pahle

mire naqsh-e-qadam par ahl-e-dil kā qāfila hogā

maiñ apnī raah meñ aisī baġhāvat chhoḌ aa.ī huuñ

mere naqsh-e-qadam par ahl-e-dil ka qafila hoga

main apni rah mein aisi baghawat chhoD aai hun

mirī sochoñ meñ koī aa nahīñ saktā sivā us ke

vo merā maan Thahrā aur maiñ huuñ aabrū us kī

meri sochon mein koi aa nahin sakta siwa us ke

wo mera man Thahra aur main hun aabru us ki

dil kī dhartī par vafā kā mo.ajiza rakkhā gayā

phir diloñ ke darmiyāñ kyuuñ fāsla rakkhā gayā

dil ki dharti par wafa ka moajiza rakkha gaya

phir dilon ke darmiyan kyun fasla rakkha gaya

samundar kā kināra chhoḌnā āsāñ nahīñ hotā

karachi shahr kī shāmeñ suhānī chhoḌ aa.ī huuñ

samundar ka kinara chhoDna aasan nahin hota

karachi shahr ki shamen suhani chhoD aai hun

ajnabī duniyā pe maiñ kartī bharosa kis tarah

jab yaqīñ ne saath chhoḌā to gumāñ chaltā rahā

ajnabi duniya pe main karti bharosa kis tarah

jab yaqin ne sath chhoDa to guman chalta raha

ye zindagī to koī imtihān lagtī hai

ye pul-sirāt bhī ham ne guzar ke dekh liyā

ye zindagi to koi imtihan lagti hai

ye pul-siraat bhi hum ne guzar ke dekh liya

hamāre zarf kā logoñ ne imtihān liyā

zarā sī baat kā dil meñ malāl kyā rakhte

hamare zarf ka logon ne imtihan liya

zara si baat ka dil mein malal kya rakhte

merī sochoñ par usī kī dastaras hone lagī

us kī saarī jiit merī maat se mansūb hai

meri sochon par usi ki dastaras hone lagi

us ki sari jit meri mat se mansub hai

'iram' zohrā kitāboñ se kabhī ġhāfil nahīñ hotī

mirī almāriyoñ ke sab shumāre raqs karte haiñ

'iram' zohra kitabon se kabhi ghafil nahin hoti

meri almariyon ke sab shumare raqs karte hain

tumhāre sang hī mujh ko milī parvāz kī himmat

tumhāre hausle ko maiñ ne apne bāl-o-par samjhā

tumhaare sang hi mujh ko mili parwaz ki himmat

tumhaare hausle ko main ne apne baal-o-par samjha

mire alfāz meñ us kī halāvat ho ga.ī dāḳhil

mire lahje meñ shāmil ho ga.ī hai guftugū us kī

mere alfaz mein us ki halawat ho gai daKHil

mere lahje mein shamil ho gai hai guftugu us ki

maiñ apne qasr se tanhā parinde kī tarah niklī

tire dil ke liye apnī riyāsat chhoḌ aa.ī huuñ

main apne qasr se tanha parinde ki tarah nikli

tere dil ke liye apni riyasat chhoD aai hun