bachā huā thā mire paas ek shaḳhs 'umar'

use bhī mujh se magar janvarī ne chhīn liyā

bacha hua tha mere pas ek shaKHs 'umar'

use bhi mujh se magar janwari ne chhin liya

ġhazal rakhā hai tirā naam is liye mujh ko

sabhī pukārte haiñ ‘āshiq-e-ġhazal keh kar

ghazal rakha hai tera nam is liye mujh ko

sabhi pukarte hain ‘ashiq-e-ghazal keh kar

kisī kī qabr pe jaise nishānī rakkhī ho

kuchh is tarah se tirā ġham ḳhushī pe rakkhā hai

kisi ki qabr pe jaise nishani rakkhi ho

kuchh is tarah se tera gham KHushi pe rakkha hai

vo log bhī firāq pe kahne lage ġhazal

do din bhī Thiik se jo alam meñ nahīñ rahe

wo log bhi firaq pe kahne lage ghazal

do din bhi Thik se jo alam mein nahin rahe

vo pal sukūñ kā kahtā hai saarā jahāñ jise

allāh jāntā hai tire bin nahīñ milā

wo pal sukun ka kahta hai sara jahan jise

allah jaanta hai tere bin nahin mila