Sher of Farhat Parveen
jaisā kal thā aaj bhī vaisā aur vaisā hī ho gā
aaj kā karb uThāne meñ maiñ kal kā dukh bhī sahtī huuñ
jaisa kal tha aaj bhi waisa aur waisa hi ho ga
aaj ka karb uThane mein main kal ka dukh bhi sahti hun
do-jahāñ paane kā aa raaz batā.ūñ tujh ko
jā kisī pyār-bhare dil meñ Thikāna kar le
do-jahan pane ka aa raaz bataun tujh ko
ja kisi pyar-bhare dil mein Thikana kar le
yuuñ diyā karte haiñ ham talḳh-navā.ī kā javāb
apne lahje meñ zarā aur bhī ras gholte haiñ
yun diya karte hain hum talKH-nawai ka jawab
apne lahje mein zara aur bhi ras gholte hain
kyoñ bhed khule lāchārī kā ehsān bhī leñ dildārī kā
āñkhoñ ko nahīñ ham karte nam par dil meñ samundar rakhte haiñ
kyon bhed khule lachaari ka ehsan bhi len dildari ka
aankhon ko nahin hum karte nam par dil mein samundar rakhte hain
yuuñ diyā karte haiñ ham talḳh-navā.ī kā javāb
apne lahje meñ zarā aur bhī ras gholte haiñ
yun diya karte hain hum talKH-nawai ka jawab
apne lahje mein zara aur bhi ras gholte hain
