ham tohfe meñ ghaḌiyāñ to de dete haiñ

ik duuje ko vaqt nahīñ de paate haiñ

hum tohfe mein ghaDiyan to de dete hain

ek duje ko waqt nahin de pate hain

tumhāre rañg phīke paḌ ga.e naañ

mirī āñkhoñ kī vīrānī ke aage

tumhaare rang phike paD gae nan

meri aankhon ki virani ke aage

zamāne ab tire madd-e-muqābil

koī kamzor sī aurat nahīñ hai

zamane ab tere madd-e-muqabil

koi kamzor si aurat nahin hai

de rahe haiñ log mere dil pe dastak baar baar

dil magar ye kah rahā hai sirf tū aur sirf tū

de rahe hain log mere dil pe dastak bar bar

dil magar ye kah raha hai sirf tu aur sirf tu

tumheñ paane kī haisiyyat nahīñ hai

magar khone kī bhī himmat nahīñ hai

tumhein pane ki haisiyyat nahin hai

magar khone ki bhi himmat nahin hai

tumheñ patā hai mire haath kī lakīroñ meñ

tumhāre naam ke saare hurūf bante haiñ

tumhein pata hai mere hath ki lakiron mein

tumhaare nam ke sare huruf bante hain

raat se ek soch meñ gum huuñ

kis bahāne tujhe kahūñ aa jā

raat se ek soch mein gum hun

kis bahane tujhe kahun aa ja

tum mirī vahshatoñ ke sāthī the

koī āsān thā tumheñ khonā?

tum meri wahshaton ke sathi the

koi aasan tha tumhein khona?

mire hijr ke faisle se Daro tum

maiñ ḳhud meñ ajab hausla dekhtī huuñ

mere hijr ke faisle se Daro tum

main KHud mein ajab hausla dekhti hun

us kī jānib se baḌhā ek qadam

mere sau saal baḌhā detā hai

us ki jaanib se baDha ek qadam

mere sau sal baDha deta hai

ain mumkin hai use mujh se mohabbat hī na ho

dil bahar-taur use apnā banānā chāhe

ain mumkin hai use mujh se mohabbat hi na ho

dil bahar-taur use apna banana chahe

laḌkhaḌānā nahīñ mujhe phir bhī

tum mirā haath thaam kar rakhnā

laDkhaDana nahin mujhe phir bhi

tum mera hath tham kar rakhna

ham aaj qaus-e-quzah ke mānind ek duuje pe khil rahe haiñ

mujhe to pahle se lag rahā thā ye āsmānoñ kā silsila hai

hum aaj qaus-e-quzah ke manind ek duje pe khil rahe hain

mujhe to pahle se lag raha tha ye aasmanon ka silsila hai

bhalī kyuuñ lage ham ko ḳhushiyoñ kī dastak

abhī ham mohabbat kā ġham kar rahe haiñ

bhali kyun lage hum ko KHushiyon ki dastak

abhi hum mohabbat ka gham kar rahe hain

vo ḳhudā hai to bhalā us se shikāyat kaisī?

muqtadir hai vo sitam mujh pe jo Dhānā chāhe

wo KHuda hai to bhala us se shikayat kaisi?

muqtadir hai wo sitam mujh pe jo Dhana chahe

khul kar āḳhir jahl kā elaan honā chāhiye

haq-parastoñ ke liye zindān honā chāhiye

khul kar aaKHir jahl ka elan hona chahiye

haq-paraston ke liye zindan hona chahiye

hathelī se ThanDā dhuāñ uTh rahā hai

yahī ḳhvāb har martaba dekhtī huuñ

hatheli se ThanDa dhuan uTh raha hai

yahi KHwab har martaba dekhti hun

kis kis phuul kī shādābī ko masḳh karoge bolo!!!

ye to us kī den hai jis ko chāhe vo mahkā.e

kis kis phul ki shadabi ko masKH karoge bolo!!!

ye to us ki den hai jis ko chahe wo mahkae