pichhlā baras to ḳhuun rulā kar guzar gayā

kyā gul khilā.egā ye nayā saal dosto

pichhla baras to KHun rula kar guzar gaya

kya gul khilaega ye naya sal dosto

baras rahī hai udāsī tamām āñgan meñ

vo rat-jagoñ kī havelī baḌe azaab meñ hai

baras rahi hai udasi tamam aangan mein

wo rat-jagon ki haweli baDe azab mein hai

kuchh to mahfūz rakhiye siine meñ

zindagānī khulī kitāb na ho

kuchh to mahfuz rakhiye sine mein

zindagani khuli kitab na ho

is liye kāTtā huuñ ye ghaḌiyāñ

vaqt kī chaal kāmyāb na ho

is liye kaTta hun ye ghaDiyan

waqt ki chaal kaamyab na ho