ہے سخت مشکل میں جان ساقی پلائے آخر کدھر سے پہلے

سبھی کی آنکھیں یہ کہہ رہی ہیں ادھر سے پہلے ادھر سے پہلے

اہل ہنر کے دل میں دھڑکتے ہیں سب کے دل

سارے جہاں کا درد ہمارے جگر میں ہے

ہمارے ان کے تعلق کا اب یہ عالم ہے

کہ دوستی کا ہے کیا ذکر دشمنی بھی نہیں

آنکھوں کا تو کام ہی ہے رونا

یہ گریۂ بے سبب ہے پیارے

غم دوراں میں کہاں بات غم جاناں کی

نظم ہے اپنی جگہ خوب مگر ہائے غزل

نقاب ان نے رخ سے اٹھائی تو لیکن

حجابات کچھ درمیاں اور بھی ہیں

فریب کرم اک تو ان کا ہے اس پر

ستم میری خوش فہمیاں اور بھی ہیں