Ghazanfar's Photo'

Ghazanfar

1953 | Delhi, India

Poet, critic, and fiction writer, known for his writings on sensitive social issues.

Poet, critic, and fiction writer, known for his writings on sensitive social issues.

67
Favorite

SORT BY

bach ke duniyā se ghar chale aa.e

ghar se bachne magar kidhar jaa.eñ

bach ke duniya se ghar chale aae

ghar se bachne magar kidhar jaen

har ek raat kahīñ duur bhaag jaatā huuñ

har ek sub.h koī mujh ko khīñch laatā hai

har ek raat kahin dur bhag jata hun

har ek subh koi mujh ko khinch lata hai

maiñ us ke jhuuT ko bhī sach samajh ke suntā huuñ

ki us ke jhuuT meñ bhī zindagī quvvat hai

main us ke jhuT ko bhi sach samajh ke sunta hun

ki us ke jhuT mein bhi zindagi ki quwwat hai

maiñ aisā narm tabī.at kabhī na thā pahle

zarūr lams koī us chhū gayā mujh ko

main aisa narm tabiat kabhi na tha pahle

zarur lams koi us ka chhu gaya mujh ko

rafta rafta āñkhoñ ko hairānī de kar jā.egā

ḳhvāboñ ye shauq hameñ vīrānī de kar jā.egā

rafta rafta aankhon ko hairani de kar jaega

KHwabon ka ye shauq hamein virani de kar jaega

na jaane kis tarah bistar meñ ghus kar baiTh jaatī haiñ

vo āvāzeñ jinheñ ham roz bāhar chhoḌ aate haiñ

na jaane kis tarah bistar mein ghus kar baiTh jati hain

wo aawazen jinhen hum roz bahar chhoD aate hain

ajiib baat hamārā ḳhuuñ huā paanī

hamīñ ne aag meñ apne badan bhigo.e the

ajib baat hamara hi KHun hua pani

hamin ne aag mein apne badan bhigoe the

daftar meñ zehn ghar nigah rāste meñ paañv

jiine kāvishoñ meñ badan haath se gayā

daftar mein zehn ghar nigah raste mein panw

jine ki kawishon mein badan hath se gaya

hamāre haath se vo bhī nikal gayā āḳhir

ki jis ḳhayāl meñ ham muddatoñ se kho.e the

hamare hath se wo bhi nikal gaya aaKHir

ki jis KHayal mein hum muddaton se khoe the

tumhāre hote hue log kyuuñ bhaTakte haiñ

kahīñ pe ḳhizr nazar aa.e to savāl karūñ

tumhaare hote hue log kyun bhaTakte hain

kahin pe KHizr nazar aae to sawal karun

ham ki sāhil ke tasavvur se sahm jaate haiñ

log kis tarah samundar meñ utarte hoñge

hum ki sahil ke tasawwur se sahm jate hain

log kis tarah samundar mein utarte honge

zehn ke ḳhānoñ meñ jaane vaqt ne kyā bhar diyā

be-sabab hone lagī ik ek se an-ban mirī

zehn ke KHanon mein jaane waqt ne kya bhar diya

be-sabab hone lagi ek ek se an-ban meri

kal tak jo shaffāf the chehre āvāzoñ se ḳhālī the

āḌī-tirchhī surḳh lakīreñ un par bhī ab dekhoge

kal tak jo shaffaf the chehre aawazon se KHali the

aaDi-tirchhi surKH lakiren un par bhi ab dekhoge