pahle talāsh kījiye manzil kī rahguzar

phir sochiye ki raah meñ dīvār kaun hai

pahle talash kijiye manzil ki rahguzar

phir sochiye ki rah mein diwar kaun hai

zid par aḌe hue haiñ ye dil bhī dimāġh bhī

ab dekhnā hai in meñ asar-dār kaun hai

zid par aDe hue hain ye dil bhi dimagh bhi

ab dekhna hai in mein asar-dar kaun hai

rahguzar hai udaas merī tarah

jaane kab vo yahāñ se guzregā

rahguzar hai udas meri tarah

jaane kab wo yahan se guzrega

zehn aur dil meñ jo an-ban hai vo an-ban na rahe

is liye darmiyāñ dīvār banā rakkhī hai

zehn aur dil mein jo an-ban hai wo an-ban na rahe

is liye darmiyan diwar bana rakkhi hai

phir mujhe yaad aa.egā bachpan

ik zamāna gumāñ se guzregā

phir mujhe yaad aaega bachpan

ek zamana guman se guzrega

ek mushkil ho to āsān banā lī jaa.e

us ne to zindagī dushvār banā rakkhī hai

ek mushkil ho to aasan bana li jae

us ne to zindagi dushwar bana rakkhi hai