Sher on pareshanii

maiñ ne jab ḳhud kī taraf ġhaur se dekhā to khulā

mujh ko ik mere sivā koī pareshānī nahīñ

main ne jab KHud ki taraf ghaur se dekha to khula

mujh ko ek mere siwa koi pareshani nahin

kahīñ koī kamāñ taane hue hai

kabūtar āḌe-tirchhe uḌ rahe haiñ

kahin koi kaman tane hue hai

kabutar aaDe-tirchhe uD rahe hain

baḌe bā-vafā the mire yaar sab

musībat meñ jab tak pukārā na thā

baDe ba-wafa the mere yar sab

musibat mein jab tak pukara na tha

bas hukm milā aur nikal aa.e vahāñ se

chalte hue ujlat meñ hī sāmān liyā hai

bas hukm mila aur nikal aae wahan se

chalte hue ujlat mein hi saman liya hai