Habeeb Ahmad Siddiqui's Photo'

Habeeb Ahmad Siddiqui

1908

196
Favorite

SORT BY

mujh ko ehsās-e-rañg-o-bū na huā

yuuñ bhī akasr bahār aa.ī hai

mujh ko ehsas-e-rang-o-bu na hua

yun bhi akasr bahaar aai hai

vo bhalā kaise batā.e ki ġham-e-hijr hai kyā

jis ko āġhosh-e-mohabbat kabhī hāsil na huā

wo bhala kaise batae ki gham-e-hijr hai kya

jis ko aaghosh-e-mohabbat kabhi hasil na hua

aap sharminda jafāoñ pe na hoñ

jin pe guzrī thī vahī bhuul ga.e

aap sharminda jafaon pe na hon

jin pe guzri thi wahi bhul gae

apne dāman meñ ek taar nahīñ

aur saarī bahār baaqī hai

apne daman mein ek tar nahin

aur sari bahaar baqi hai

dair hai ka.aba hai kū-e-butāñ hai

ai ishq tirī fitrat-e-āzād kahāñ hai

ya dair hai ya kaba hai ya ku-e-butan hai

ai ishq teri fitrat-e-azad kahan hai

āfiyat ummīd kyā ki abhī

dil-e-ummīd-vār baaqī hai

aafiyat ki ummid kya ki abhi

dil-e-ummid-war baqi hai

ra.anā.ī-e-bahār pe the sab farefta

afsos koī mahram-e-rāz-e-ḳhizāñ na thā

ranai-e-bahaar pe the sab farefta

afsos koi mahram-e-raaz-e-KHizan na tha

guloñ se itnī bhī vābastagī nahīñ achchhī

rahe ḳhayāl ki ahd-e-ḳhizāñ bhī aatā hai

gulon se itni bhi wabastagi nahin achchhi

rahe KHayal ki ahd-e-KHizan bhi aata hai

ab bahut duur nahīñ manzil-e-dost

ka.abe se chand qadam aur sahī

ab bahut dur nahin manzil-e-dost

kabe se chand qadam aur sahi

har qadam par hai ehtisāb-e-amal

ik qayāmat pe inhisār nahīñ

har qadam par hai ehtisab-e-amal

ek qayamat pe inhisar nahin

mere liye jiine sahārā hai abhī tak

vo ahd-e-tamannā ki tumheñ yaad na hogā

mere liye jine ka sahaara hai abhi tak

wo ahd-e-tamanna ki tumhein yaad na hoga

hazāroñ tamannāoñ ke ḳhuuñ se ham ne

ḳharīdī hai ik tohmat-e-pārsā.ī

hazaron tamannaon ke KHun se hum ne

KHaridi hai ek tohmat-e-parsai

haa.e be-dād-e-mohabbat ki ye iiñ barbādī

ham ko ehsās-e-ziyāñ bhī to nahīñ hotā hai

hae be-dad-e-mohabbat ki ye in barbaadi

hum ko ehsas-e-ziyan bhi to nahin hota hai

nigāh-e-lutf ko ulfat-shi.ār samjhe the

zarā se ḳhanda-e-gul ko bahār samajhte the

nigah-e-lutf ko ulfat-shiar samjhe the

zara se KHanda-e-gul ko bahaar samajhte the

kabhī be-kalī kabhī be-dilī hai ajiib ishq zindagī

kabhī ġhuncha pe jaañ fidā kabhī gulsitāñ se ġharaz nahīñ

kabhi be-kali kabhi be-dili hai ajib ishq ki zindagi

kabhi ghuncha pe jaan fida kabhi gulsitan se gharaz nahin

kitne sanam ḳhud ham ne tarāshe

zauq-e-parastish allāhu-akbar

kitne sanam KHud hum ne tarashe

zauq-e-parastish allahu-akbar

faiz-e-ayyām-e-bahār ahl-e-qafas kyā jāneñ

chand tinke the nasheman ke jo ham tak pahuñche

faiz-e-ayyam-e-bahaar ahl-e-qafas kya jaanen

chand tinke the nasheman ke jo hum tak pahunche

maut ke ba.ad bhī marne pe na raazī honā

yahī ehsās to sarmāya-e-dīñ hotā hai

maut ke baad bhi marne pe na raazi hona

yahi ehsas to sarmaya-e-din hota hai

jis ke vāste barsoñ sa.i-e-rā.egāñ hai

ab use bhulāne sa.i-e-rā.egāñ kar leñ

jis ke waste barson sai-e-raegan ki hai

ab use bhulane ki sai-e-raegan kar len

jab koī fitna-e-ayyām nahīñ hotā hai

zindagī baḌī mushkil se yaqīñ hotā hai

jab koi fitna-e-ayyam nahin hota hai

zindagi ka baDi mushkil se yaqin hota hai

taslīm hai sa.ādat-e-hosh-o-ḳhirad magar

jiine ke vāste dil-e-nādāñ bhī chāhiye

taslim hai saadat-e-hosh-o-KHirad magar

jine ke waste dil-e-nadan bhi chahiye

hai naved-e-bahār har lab par

kam-nasīboñ ko e'tibār nahīñ

hai nawed-e-bahaar har lab par

kam-nasibon ko e'tibar nahin

iz.hār-e-ġham kiyā thā ba-ummīd-e-iltifāt

kyā pūchhte ho kitnī nadāmat hai aaj tak

izhaar-e-gham kiya tha ba-ummid-e-iltifat

kya puchhte ho kitni nadamat hai aaj tak

ek ka.aba ke sanam toḌe to kyā

nasl-o-millat ke sanam-ḳhāne bahut

ek kaba ke sanam toDe to kya

nasl-o-millat ke sanam-KHane bahut

ba-sad adā-e-dilbarī hai iltijā-e-mai-kashī

ye hosh ab kise ki mai harām halāl hai

ba-sad ada-e-dilbari hai iltija-e-mai-kashi

ye hosh ab kise ki mai haram ya halal hai

āshnā jab tak na thā us nigāh-e-lutf se

vārdāt-e-qalb ko husn-e-bayāñ samjhā thā maiñ

aashna jab tak na tha us ki nigah-e-lutf se

wardat-e-qalb ko husn-e-bayan samjha tha main

na ho kuchh aur to vo dil atā ho

bahal jaa.e jo sa.ī-e-rā.egāñ se

na ho kuchh aur to wo dil ata ho

bahal jae jo sai-e-raegan se

chashm-e-sayyād pe har lahza nazar rakhtā hai

haa.e vo said jo kahne ko tah-e-dām nahīñ

chashm-e-sayyaad pe har lahza nazar rakhta hai

hae wo said jo kahne ko tah-e-dam nahin

jo kaam karne haiñ us meñ na chāhiye tāḳhīr

kabhī payām ajal nā-gahāñ bhī aatā hai

jo kaam karne hain us mein na chahiye taKHir

kabhi payam ajal na-gahan bhi aata hai

batā.e kaun kisī ko nishān-e-manzil-e-zīst

abhī to hujjat-e-bāham hai rahguzar ke liye

batae kaun kisi ko nishan-e-manzil-e-zist

abhi to hujjat-e-baham hai rahguzar ke liye

ye mahr-o-māh-o-kavākib bazm-e-lā-mahdūd

salā-e-dāvat-e-parvāz hai bashar ke liye

ye mahr-o-mah-o-kawakib ki bazm-e-la-mahdud

sala-e-dawat-e-parwaz hai bashar ke liye

tag-o-tāz-e-paiham hai mīrās-e-ādam

mire muntazir kuchh jahāñ aur bhī haiñ

tag-o-taz-e-paiham hai miras-e-adam

mere muntazir kuchh jahan aur bhi hain

ab to jo shai hai mirī nazroñ meñ hai nā-pā.edār

yaad aayā maiñ ki ġham ko jāvedāñ samjhā thā maiñ

ab to jo shai hai meri nazron mein hai na-paedar

yaad aaya main ki gham ko jawedan samjha tha main

vo karam ho ki sitam ek ta.alluq hai zarūr

koī to dard-e-mohabbat amiiñ hotā hai

wo karam ho ki sitam ek talluq hai zarur

koi to dard-e-mohabbat ka amin hota hai

ik fasl-e-gul ko le ke tahī-dast kyā kareñ

aa.ī hai fasl-e-gul to garebāñ bhī chāhiye

ek fasl-e-gul ko le ke tahi-dast kya karen

aai hai fasl-e-gul to gareban bhi chahiye