حمزہ ہاشمی تخلص سوز فرماتے ہیں۔ آپ کی غزل میں کلاسیکل رنگ نمایاں ہے۔ آپ نے کلاسیکل شعراء کا کلام کا وقیع النظر سے مطالعہ کیا ہے۔ آپ کے کلام میں کہیں کہیں سراج الدین ظفر کے کلام کی جھلک دکھائی دیتی ہے۔  آپ کی پیدائش 25 جنوری 1999 کو لاہور میں ہوئی۔ آپ علمی و ادبی  گھرانے سے تعلق رکھتے ہیں۔ حمزہ ہاشمی ماہرِ آئین و قانون ہونے کے ساتھ  ایک ذمہ دار آفیسر اور ادیب بھی ہیں۔ ان کا پہلا شعری مجموعہ 'ردائے خورشید' 2022 میں منظر عام پر آیا جسے شائقینِ شعر نے ہاتھوں ہاتھ لیا جس سے آپ کو پزیرائی ملی۔ اسی مجموعے کی بدولت آپ کو ادبی منظر نامے میں عزت کی نگاہ سے دیکھا جاتا ہے۔ آپ کا دوسرا شعری پڑاؤ 2024 میں 'بادِ سرکش' کے نام سے شائع ہوا۔ آپ کی شاعری حسن و عشق کے ساتھ ساتھ زندگی سے متعلق دیگر موضوعات کا احاطہ کرتی ہے۔ حمزہ ہاشمی نوجوان نسل میں اپنے الگ اسلوب اور جداگانہ شخصیت کی بدولت دور سے ہی پہچانے جاتے ہیں۔ آپ کے ہاں جو شعری خوبیاں ہیں ان میں اظہار کی گیرائی و گہرائی دونوں قابلِ ذکر ہیں۔ حمزہ ہاشمی فی الحال بیوروکریسی میں ہیں۔