udaas rātoñ kī tīrgī meñ na koī taarā na koī jugnū

kisī kā naqsh-e-qadam hī chamke to nuur kā e'tibār aa.e

udas raaton ki tirgi mein na koi tara na koi jugnu

kisi ka naqsh-e-qadam hi chamke to nur ka e'tibar aae

ik janam ke pyāse bhī sair hoñ to ham jāneñ

yuuñ to rahmat-e-yazdāñ chār-sū barastī hai

ek janam ke pyase bhi sair hon to hum jaanen

yun to rahmat-e-yazdan chaar-su barasti hai

vaqt kī laash pe rone ko jigar hai kis kā

kis janāze ko liye ahl-e-nazar aate haiñ

waqt ki lash pe rone ko jigar hai kis ka

kis janaze ko liye ahl-e-nazar aate hain

unheñ kyā fikr ki pūchheñ dil-e-bīmār kā haal

be-niyāzāna vo andāz-e-suḳhan hai ki jo thā

unhen kya fikr ki puchhen dil-e-bimar ka haal

be-niyazana wo andaz-e-suKHan hai ki jo tha

shaam kī bhīgī huī palkoñ meñ phir

koī aañsū aa.e aur taarā bane

sham ki bhigi hui palkon mein phir

koi aansu aae aur tara bane