اس اجنبی سے ہاتھ ملانے کے واسطے

محفل میں سب سے ہاتھ ملانا پڑا مجھے

اک پرندے کی طرح اڑ گیا کچھ دیر ہوئی

عکس اس شخص کا تالاب میں آیا ہوا تھا

حسین یادوں کے چاند کو الوداع کہہ کر

میں اپنے گھر کے اندھیرے کمروں میں لوٹ آیا

خفا ہو مجھ سے تو اپنے اندر

وہ بارشوں کو اتارتی ہے

آج تیری یاد سے ٹکرا کے ٹکڑے ہو گیا

وہ جو صدیوں سے لڑھکتا ایک پتھر مجھ میں تھا

مجھ کو معلوم تھا اک روز چلا جائے گا!

وہ مری عمر کو یادوں کے حوالے کر کے

کبھی جو آنکھوں کے آ گیا آفتاب آگے

ترے تصور میں ہم نے کر لی کتاب آگے

وہ بعد مدت ملا تو رونے کی آرزو میں

نکل کے آنکھوں سے گر پڑے چند خواب آگے

نسبتیں تھیں ریت سے کچھ اس قدر

بادلوں کے شہر میں پیاسا رہا

محبت میں کٹھن رستے بہت آسان لگتے تھے

پہاڑوں پر سہولت سے چڑھا کرتے تھے ہم دونوں