حسن کمال لکھنؤ کی ادبی فضا میں آنکھ کھولی۔ اسکول کے زمانےسے ہی شاعری کی ابتدا ہوئی۔ 1965 میں بلٹز ویکلی کے نائب مدیر بنے۔ 1974 میں اردو بلٹز کے مدیر بنے اور اس کا سرکیولیشن 1300 کاپیوں سے ایک لاکھ تک پہنچا دیا۔ ایک مشہور کالم نگار بھی تھے۔ روز نامہ انقلاب، راشٹریہ سہارا، اعتماد، اور البلاغ کے لئے بھی مسلسل طور پر کالمز لکھتے رہے۔ ان کے کالمز کے تامل، تیلگو، مراٹھی اور انگریزی زبانوں میں تراجم ہوا کرتے تھے۔ دنیا  کے کافی ممالک کا دورہ کیا۔ ان کا۔ شعری مجموعہ ‘حاصل یہی’ دوہزار پانچ میں شائع ہوا۔ کئی فلموں کے لئے نغمے بھی لکھے فلم ‘نکاح’ کے لئے لکھے گئے ان کے نغمے  بہت مشہور ہوئے تھے۔ فلم ‘آج کی آواز’ کے ٹائٹل سانگ کے لئے انھیں1985 میں فلم فیئر ایوارڈ بھی ملا تھا۔ علاوہ اس کے کئی فلموں اور ٹی وی سیریلس کے لئے مکالمے بھی لکھے ہیں۔